آواران میں سیکیورٹی فورسز کی کارروائی،تین دہشتگرد مارے گئے

آئی ایس پی آر کے مطابق سیکیورٹی فورسز نے بلوچستان میں آواران کے جنوبی علاقے میں دہشت گرد گروپ کی موجودگی کی اطلاعات پر تین روز قبل آپریشن کیا، مصدقہ اطلاعات کی روشنی میں دہشت گردوں کے ٹھکانے کی تلاش کیلئے کوششیں کی گئیں، جس کے دوران تین دہشت گردوں کا ان کے ٹھکانے کے قریب سراغ لگایا گیا، سیکیورٹی فورسز کے روکے جانے پر دہشت گردوں نے فائرنگ کردی، شدید فائرنگ کے تبادلے کے دوران تینوں دہشت گرد مارے گئے، جب کہ اسلحہ اور گولہ بارود کا ذخیرہ برآمد کر لیا گیا، یہ دہشت گرد تربت آواران روڈ اور گردونواح میں فائرنگ اور دیسی ساختہ بم نصب کرنے کی وارداتوں میں ملوث تھا، پاک فوج کی جانب سے قوم کے تعاون سے بلوچستان کے امن، استحکام اور ترقی کو سبوتاژ کرنے کی کوششوں کو ناکام بنانے کے عزم کا اعادہ کیا گیا،،