سپریم کورٹ نے صدر مملکت کو نااہلی قرار دینے کی درخواست خارج کردی |
|
جمعرات 16 مارچ 2023ء | |
جسٹس اعجاز الاحسن کی سربراہی میں دو رکنی بینچ نے صدر عارف علوی کی نااہلی سے متعلق ظہور مہدی کی درخواست کی سماعت کی،درخواست گزار نے کہا میرے صدارتی امیدوار کے کاغذات نامزدگی کی جانچ پڑتال درست نہیں ہوئی،عارف علوی کے کاغذات پر میرے چھ اعتراص تھے،عارف علوی صدارت کیلئے اہلیت نہیں رکھتے تھے، اہلیت نہ رکھنے والے کو صدر بنانے کی وجہ سے ملک اس وقت بحران کا شکار ہے، سیاسی جماعتیں ایک دوسرے سے دست و گریباں ہیں، جسٹس اعجاز الاحسن نے کہا سیاسی جماعتیں کیا کر رہی ہیں یہ آپکا مقدمہ نہیں ہے، آپ کے کاغذات نامزدگی پر تجویز کنندہ اور تائید کنندہ کے دستخط نہیں تھے،آئینی تقاضا ہے تائید کنندہ تجویز کنندہ رکن مجلس شورہ ہونا چاہیے، عدالت نے درخواست خارج کردی، درخواست میں صدر مملکت کو آرٹیکل 62 ون ایف کے تحت نااہل قرار دینے کی استدعا کی گئی تھی۔ |