سابق گورنر پنجاب چوہدری سرور مسلم لیگ میں شامل |
|
اتوار 12 مارچ 2023ء | |
ترجمان مسلم لیگ کی طرف سے جاری کردہ اعلامیے کے مطابق سابق گورنر پنجاب چوہدری سرور نے مسلم لیگ ہاؤس میں چوہدری شجاعت حسین سے ملاقات کی اور پریس کانفرنس کے دوران مسلم لیگ میں شمولیت کا اعلان کیا سابق گورنر چوہدری سرور کا کہنا تھا کہ انہوں نے مسلم لیگ میں شمولیت کا فیصلہ دوستوں کی مشاورت سے کیا سب کاکہنا تھا کہ چوہدری شجاعت حسین وضع دار سیاستدان ہیں اسلئے انکے ساتھ چلنا چاہیئے۔چوہدری سرور کا کہنا تھا کہ ملک کی تمام سیاسی قوتوں کو دعوت دیتا ہوں کہ مل کر ملک کی تعمیر و ترقی کے لئے کام کریں پریس کانفرنس کے دوران چوہدری شجاعت حسین ، طارق بشیر چیمہ،چوہدری شافع حسین،طارق حسن اور مصطفیٰ ملک بھی چوہدری سرور کے ہمراہ سٹیج پر موجود تھے۔ |