پمز یا پولی کلینک سے عمران خان کا طبی معائنہ کرانے کی درخواست دائر |
|
هفته 25 فروری 2023ء | |
درخواست میں ایف آئی اے نے عدالت سے استدعا کی ہے کہ عمران خان کا پولی کلینک یا پمز ہسپتال اسلام آباد سے طبی معائنہ کروایا جائے،عمران خان کی ضمانت میں توسیع کرنے کی درخواست بینکنگ کورٹ میں زیرالتوا ہے، عبوری ضمانت ملنے کے بعد عمران خان رعایت کا غلط فایدہ اٹھارہےاور عدالت پیش نہیں ہورہے، ایف آئی اے کی درخواست میں کہا گیا ہے کہ عمران خان ایف آئی اے کے ساتھ تفتیش کے حوالے سے تعاون نہیں کررہے، عمران خان کو آرتھوپیڈک کا مسئلہ ہے لیکن میڈیکل رپورٹ کینسر ہسپتال کی جمع کروا رہے،شوکت خانم ہسپتال کی سربراہی عمران خان کرتے ہیں، میڈیکل رپورٹ کو معتبر تسلیم نہیں کرسکتے،اسلئے عمران خان کا پمز یا پولی کلینک ہسپتال سے طبی معائنہ کروانا چاہیے،پمز یا پولی کلینک میں کی گئی عمران خان کی طبی رپورٹس کو زیرغور لایاجاسکتاہے، عمران خان کے طبی معائنے کے لیے میڈیکل بورڈ تشکیل دیا جائے، ایف آئی اے نے عدالت سے استدعا کی ہے کہ وہ میڈیکل بورڈ تشکیل دے کر عمران خان کی طبی رپورٹ عدالت میں پیش کرنے کا حکم دے |