روس سے سستے تیل کی فراہمی اپریل تک شروع ہونے کا امکان ہے،مصدق ملک

سینیٹ اجلاس میں ایک سوال کے جواب میں وزیر مملکت کا کہنا تھا کہ روس کے ساتھ تی کی خریداری کے حوالے سے ابتدائی مذاکرات اور معاہدہ پینتالیس دن میں طے پا چکا ہے جبکہ دیگر تفصیلات بھی مارچ تک طے پاجائیں گے اور حتمی معاہدہ ہو گا،انہوں نے توقع ظاہر کی ہے اپریل تک تیل کی روس سے فراہمی کا عمل شروع ہو جائے گا مصدق ملک کا کہنا تھا کہ پاکستان اپنی ضروریات کا بیس فیصد تیل روس سے خریدنے کا ارادہ رکھتا ہے اور روس نے دیگر ممالک سے سستے نرخوں پر پاکستان کو تیل کی فراہمی کی یقین دہانی کرائی ہے وزیر مملکت نے مزید بتایا کہ ایران پر پابندیوں کے باعث براہ راست تیل و گیس کی خریداری نہیں کی جا سکتی،ایران سے صرف بارٹر ٹریڈ کر سکتے ہین،ایران ہمسایہ دوست ملک ہے اس کے ساتھ بارٹر ٹریڈ کو فروغ دین گے