ممنوعہ فنڈنگ کیس،الیکشن کمیشن کے خلاف پی ٹی آئی کی اپیل مسترد

اسلام آباد ہائیکورٹ نے ممنوعہ فنڈنگ کیس میں الیکشن کمیشن کے فیصلے کے خلاف پاکستان تحریک انصاف کی اپیل پر محفوظ فیصلہ سنا دیا،فیصلے میں الیکشن کمیشن کا فیصلہ برقرار رکھتے ہوئے پی ٹی آئی کی درخواست مسترد کردی ممنوعہ فنڈنگ کیس میں الیکشن کمیشن کے فیصلے کے خلاف اپیل پراسلام آباد ہائیکورٹ نے گیارہ جنوری کو دلائل سننے کے بعد فیصلہ محفوظ کیا تھا، تحریک انصاف نے اپیل کی تھی کہ الیکشن کمیشن کے فیصلے کو غیرقانونی قرار دیا جائے اسلام آباد ہائیکورٹ کے لارجر بنچ میں چیف جسٹس عامر فاروق، جسٹس میاں گل حسن اورنگزیب اور جسٹس بابر ستار شامل تھے