پٹرول اور ڈیزل کی قیمتوں میں پینتیس روپے فی لٹر اضافہ

اسلام آباد میں نیوز کانفرنس سے خطاب کے دوران وزیر خزانہ کا کہنا تھا کہ پٹرولیم مصنوعات کی قیمتوں میں قلت کی مصنوعی خبریں سامنے آئیں اور عالمی منڈی میں بھی پٹرولیم مصنوعات کی قیمتوں میں گیارہ فیصد اضافہ دیکھنے میں ایا،ان سب کو مدنظر رکھتے ہوئے پٹرول اور ڈیزل کی فی لٹر قیمت پینتیس روپے فوری بڑھا دی گئی ہے اسحق ڈار کا کہنا تھا کہ پٹرول کی قیمتوں میں پچاس روپے فی لٹر تک اضافے کی قیاس آرائیاں جاری تھیں،حکومت نے گزشتہ چار ماہ کے دوران پٹرولیم مصنوعات کی قیمتوں میں اضافہ نہیں کیا،اب اوگرا کی طرف سے تجویز دی گئی کہ مصنوعی قلت کے خاتمے کےلئے قیمتوں میں اضافہ کیا جائے واضح رہے کہ ملک کے مختلف حصوں میں پٹرول اور ڈیزل کی قلت پٹرول پمپس کی بندش کی خبریں منظر عام پر آرہی تھیں، حکومت نے اکتیس جنوری سے دو دن قبل ہی پٹرولیم مصنوعات کی قیمتوں میں اضافہ کردیا ،قوانین کے مطابق نئی قیمتوں پر عملدرآمد یکم فروری سے ہونا تھا جو انتیس جنوری سے ہی نافذ کر دی گئیں