ایل پی جی ڈسٹری بیوٹرز ایسوسی ایشن کا اکتیس جنوری کو احتجاج کا اعلان

اسلام آباد میں نیوز کانفرنس سے خطاب کرتے ہوئے ایل پی جی ڈسٹربیوٹرز ایسوسی ایشن کے چیئرمین عرفان کھوکھر کا کہنا تھا کہ سرکاری کمپنیاں ایل پی جی کی بلیک مارکیٹنگ اور قیمتوں میں اضافے کی زمہ دار ہیں ان کا کہنا تھا کہ اوگرا نے جنوری کےلئے ایل پی جی کی فی کلو قیمت دو سو چار روپے مقرر کی ہے جبکہ ایس ایس جی سی نے قیمتوں کو تین سو دس روپے فی کلو تک پہنچا دیا ہے،پہاڑی علاقوں میں تین سو ساٹھ جبکہ گلگت بلتستان میں قیمتیں چار سو روپے فی کلو سے تجاوز کرنے کا خدشہ ہے عرفان کھوکھر کا کہنا تھا کہ ایس ایس جی سی صارفین سے ناجائز منافع کما رہی ہے ملک میں ایل پی جی کی یومیہ کھپت پانچ ہزار ٹن ہے،جبکہ جے جے وی ایل کی بندش سے ایک سو ستاون ارب کا نقصان ہوچکا ہے،اکتیس ماہ سے جے جے وی ایل بند ہے لیکن کسی کو پرواہ نہیں عرفان کھوکھر نے حکومت سے مطالبہ کیا کہ وزیر مملکت مصدق ملک سے فوری استعفیٰ لیا جائے اور قیمتوں کو کنٹرول کیا جائے ورنہ وہ اکتیس جنوری کو ماڈل ٹاؤن لاہور میں وزیراعظم شہباز شریف کی رہائش گاہ کے باہر احتجاج کریں گے