اعظم خان نے نگران وزیراعلیٰ خیبرپختونخوا کے عہدے کا حلف اٹھا لیا

تفصیلات کے مطابق گورنر غلام علی نے نگران وزیراعلیٰ محمد اعظم خان سے حلف لیا،سکبدوش ہونے والی صوبائی حکومت اور اپوزیشن میں نگران وزیر اعلیٰ کے نام پر اتفاق کے بعد گورنر کے پی حاجی غلام علی نے اعظم خان کے نام کی منظوری دی تھی اعظم خان انیس سو نوے سے انیس سو ترانوے تک چیف سیکریٹری خیبرپختونخوا رہےاور دوہزار اٹھارہ کے نگران سیٹ اپ میں وفاق بطور وزیر داخلہ خدمات سرانجام دیں، اعظم خان بطور چیئرمین پاکستان ٹوبیکو بورڈ بھی کام کر چکے ہیں جبکہ دوہزار سات میں خیبرپختونخوا کے وزیر خزانہ بھی رہ چکے ہیں۔ اعظم خان یو این ڈی پی کے پروگرام برائے تخفیف غربت کے مشیر بھی رہ چکے ہیں ،جبکہ وفاق میں بطور سیکریٹری وزارت پیٹرولیم و قدرتی وسائل اور سیکریٹری وزارت مذہبی امور کے عہدے پر بھی فرائض سرانجام دے چکے ہیں