ایف آئی اے میں غیر تربیت یافتہ تفتیشی افسران کی تعیناتی کا انکشاف |
|
هفته 21 جنوری 2023ء | |
وفاقی تحقیقاتی ادارے کے سرکلر کے مطابق مختلف اداروں سے ڈیپوٹیشن پر تعینات افسران تفتیشی قابلیت نہیں رکھتے،جن کو تفتیشی امور دیئے گئے ہیں،اس بات کے انکاشف نے بعد ایف آئی اے نے موٹروے پولیس اور دوسرے ایسے اداروں سے آئے افسران اور دیگر ملازمین کو تفتیشی عمل کا حصہ بنانے سے روک دیا ہے، سرکلر کے مطابق ایف آئی اے ہیڈکوارٹر نے تمام ایڈیشنل ڈائریکٹر جنرلز اور ڈائریکٹرز کو خصوصی ہدایات جاری کر دیں۔اور انہیں ہدایت کی گئی ہے کہ یکم فروری تک تمام ڈیپوٹیشن پر تعینات افسران کی فہرست بناکر رپورٹ پیش کی جائے۔ سرکلر میں ہدایت کی گئی ہے کہ ایسے افسران جن کا اپنے ادارے میں تحقیقات سے کوئی تعلق نہیں انہیں ایف آئی اے میں تحقیقات سے دور رکھا جائے گا ۔موٹروے پولیس افسران اور اہلکاروں کو ایڈمنسٹریٹیو اور ان کی تعلیم کے مطابق ڈیوٹی دی جائیں گے ،ایسے افسران اور اہلکاروں کو ایڈمنسٹریٹیو اور کلیریکل کام دیا جائے گا۔۔۔۔ |