بھارتی چینلز دکھانے پر چار کیبل آپریٹرز کے خلاف پیمرا کی کارروائی |
|
بدھ 11 جنوری 2023ء | |
پیمرا کی طرف سے جاری اعلامیے کے مطابق ریجنل آفس کراچی کی ٹیموں نے شہر کے مختلف حصوں میں کیبل آپریٹرز کے دفاتر کا اچانک معائنہ کیا اور غیر قانونی طور پر بھارتی چینلز دکھانے والے چار کیبل آپریٹرز کے خلاف کارروائی کرتے ہوئے متعلقہ آلات ضبط کر لئے،جبکہ ان کیبل آپریٹرز کو اظہار وجوہ کے نوٹس بھی جاری کر دیئے گئے،،جن چار کیبل آپریٹرز کے خلاف کارروائی عمل میں لائی گئی ان میں شارجہ کیبل نیٹ ورک،کراچی کیبل سروسز،نیو سٹیلائٹ کمیونیکشن اور سٹار ڈیجیٹل نیٹ ورک شامل ہیں پاکستان الیکٹرانک میڈیا ریگولٹری اتھارٹی نے تمام کیبل آپریٹرز کو ایک بار انتباہ جاری کیا ہے کہ غیر قانونی انڈین چینلز دکھانے اور غیر مہذب مواد کی تقسیم پر کوئی رعایت نہیں برتی جائیگی،تمام کیبل آپریٹرز پیمرا کے قوانین پر سختی سے علمدرآمد یقینی بنائیں |