عمران خان پر حملے کا معاملہ،ملزم کے موبائل فون کی فرانزک رپورٹ مکمل

ذرائع کے مطابق وزیر آباد میں سابق وزیر اعظم عمران خان پر حملہ کرنے والے ملزم نوید کے موبائل فون کی فرانزک رپورٹ میں بتایا گیا ہے فون سے 2 مختلف کمپنیوں کی سمزبرآمد ہوئی ہیں، موبائل فون اور دونوں سموں پر 138 فون نمبرز اور 1869 کالز کا ریکارڈ ملا ہے،جبکہ ملزم کے فون سے 337 ایس ایم ایس 1956 تصاویر، 499 گفتگو کی کالز اور 212 ویڈیوز ملی ہیں، ذرائع کا کہنا ہے کہ ملزم نوید کے موبائل فون کا تمام ریکارڈ جے آئی ٹی کے حوالے کر دیا گیا ہے،تاہم ملزم کے فون سے ڈیلیٹ کیا گیا ڈیٹا ریکورنہیں کیا جاسکا ذرائع کا کہنا ہے کہ ملزم کے فون سے ایک نمبر بیرون ملک جبکہ دو مقامی نمبرز کے حوالے سے تفصیلات لی جا رہی ہے اور اس حوالے سے پیش رفت کا امکان ہے