اسلام آباد میں بلدیاتی انتخابات شیڈول کے مطابق کرائے جائیں،اسلام آباد ہائی کورٹ کا حکم

اسلام آباد ہائی کورٹ نے الیکشن کمیشنکا نوٹیفکشن کالعدم قرار دیتے ہوئے وفای دارالحکومت میں بلدیاتی انتخابات شیڈول کے مطابق کرانے کا حکم دے دیا۔ وفاقی دارالحکومت میں بلدیاتی انتخابات کے حوالے سے اسلام آباد ہائی کورٹ نے حکم دیا کہ الیکشن کمیشن 101 یونین کونسلز پر شیڈول کے مطابق بلدیاتی انتخابات کرائے۔ اسلام آباد ہائی کورٹ میں بلدیاتی انتخابات کے حوالے سے پاکستان تحریک انصاف اور جماعت اسلامی کی درخواستوں کی سماعت کے دوران الیکشن کمیشن نے اسلام آباد میں 101 یونین کونسلز پر 10 دن میں بلدیاتی الیکشن کے انعقاد پر رضامندی ظاہر کی تھی۔ بلدیاتی انتخابات کے حوالے سےکیس کی سماعت کے دوران وفاق کی جانب سے ایڈیشنل اٹارنی جنرل منور اقبال دوگل اور ڈپٹی اٹارنی جنرل جبکہ پی ٹی آئی وکیل سردار تیمور اسلم پیش ہوئے۔ کیس کی سماعت کے دوران ڈی جی الیکشن کمیشن دیگر حکام کے ساتھ عدالت میں موجود تھے۔ پاکستان تحریک انصاف کے وکیل سردار تیمور نے دلائل دیتے ہوئے کہا کہ الیکشن سے صرف 11 دن پہلے یونین کونسلز کی تعداد بڑھائی گئی اس حوالے سے الیکشن کمیشن کو بھی اعتماد میں نہیں لیا گیا اور نہ ہی مشاورت کی گئی۔ الیکشن کمیشن نے ابتدائی طور پر حکومتی فیصلہ نہیں ماننے سے انکار کیا تھا۔