الیکشن کمیشن نے فریال تالپور کی نااہلی کےلئے درائر درخواست خارج کردی

الیکشن کمیشن نے پیپلز پارٹی کی رہنما فریال تالپور کے خلاف نااہلی کی درخواست خارج کر دی۔ فریال تالپور کی نااہلی کیس کا محفوظ فیصلہ سناتے ہوئے الیکشن کمیشن ان کے خلاف نااہلی کی درخواست مسترد کی،الیکشن کمیشن کے فیصلے کے مطابق جوابدہ فریال تالپور نے اپنے تمام اثاثے ظاہر کیے، الیکشن کمیشن کے فیصلے میں کہا گیا ہے کہ نااہلی کے لیے مواد اور ٹھوس ثبوت دینا ہوتا ہے، درخواست گزار نااہلی کا کیس بنانے میں ناکام رہے۔ واضح رہے کہ پاکستان تحریک انصاف کے رہنما ارسلان تاج اور رابعہ اظفر نے فریال تالپور کی نااہلی کے لیے درخواست دائرکی تھی۔