خیبرپختونخواہ میں سینیٹ الیکشن ملتوی،الیکشن کمیشن نے فیصلہ جاری کردیا

الیکشن کمیشن نے خیبر پختونخوا میں سینٹ انتخابات ملتوی کرنے کا الیکشن کمیشن کا تحریری حکم نامہ جاری کردیا،، جاری فیصلے کے مطابق خیبر پختونخوا اسمبلی کے نو منتخب ارکان سے حلف نہ لینے پر سینٹ انتخابات ملتوی کیے گئے۔ چیف الیکشن کمشنر سکندر سلطان راجہ کی سربراہی میں پانچ رکنی کمیشن کا تحریری حکم نامہ جاری خیبر پختونخوا میں سینٹ انتخابات ملتوی کرنے کا الیکشن کمیشن کا تحریری حکم نامہ جاری کردیا گیا۔ جاری فیصلہ کے مطابق الیکشن کمیشن نے آئین کے آرٹیکل 218 تین اور الیکشن ایکٹ کے تحت اختیارات استعمال کرتے ہوئے انتخابات ملتوی کیے۔ خیبر پختونخوا اسمبلی کے نو منتخب ارکان سے حلف نہ لینے پر سینٹ انتخابات ملتوی کیے گئے۔ فیصلے کے مطابق نو منتخب ارکان کے پی اسمبلی کے حلف تک انتخابات روک دئیے گئے۔ تحریری فیصلے میں واضح کیا گیا ہے مخصوص نشستوں پر کامیاب ہونے والے امیدواروں نے حلف کیلئے اسپیکر صوبائی اسمبلی سے رابطہ کیا مگر رابطہ کرنے کے باوجود اسپیکر صوبائی اسمبلی نے حلف متعلق انتظامات نہ کیے۔ چیف الیکشن کمشنر سکندر سلطان راجہ کی سربراہی میں پانچ رکنی کمیشن کا تحریری حکم نامہ جاری کیا گیا جس پر تمام ممبران کے دستخط بھی موجود ہیں