قومی اسمبلی کا اجلاس کب ہوگا؟ نگران وفاقی وزیر اطلاعات نے بتادیا

نگراں وفاقی وزیرِ اطلاعات مرتضیٰ سولنگی کہتے ہیں جیسے ہی انتخابات میں کامیاب امیدواروں کی حتمی لسٹ جاری ہو گی، قومی اسمبلی اجلاس کے لئے سمری وزیر اعظم کو ارسال کردی جائے گی اسلام آباد میں میڈیا سے گفتگو کرتے ہوئے وفاقی وزیر اطلاعات مرتضیٰ سولنگی کا کہنا تھا وزیراعظم سے منظوری کے بعد صدر مملکت سے قومی اسمبلی کا اجلاس طلب کرنے کی درخواست کی جائے گی۔ وفاقی وزیر اطلاعات کا کہنا تھا کہ کہ نگراں حکومت نے اپنی ذمے داری پوری کی ہے، کمشنر راولپنڈی کے معاملے پر اعلیٰ تحقیقاتی کمیٹی بنی ہے، الیکشن کمیشن بھی معاملے پر کارروائی کر رہا ہے۔ مرتضیٰ سولنگی کا مزید کہنا تھا کہ کہ ہمیں اپنے اداروں اور نظام پر اعتماد کرنا چاہیے، قانونی عمل چل رہا ہے تو انتظار کرنا چاہیے