اسلام آباد سے قومی اسمبلی کی نشستوں پر کامیاب ہونے والے امیدواروں کا نوٹیفیکشن جاری

الیکشن کمیشن نے وفاقی دارالحکومت اسلام آباد سے قومی اسمبلی کی تین نشستوں پر کامیاب امیدواروں کا نوٹیفیکشن جاری کردیا ای سی پی کی طرف سے جاری نوٹیفیکشن کے مطابق قومی اسمبلی کے حلقہ این اے 46 سے انجم عقیل،این اے 47 سے طارق فضل چوہدری اور این اے 48 سے راجہ خرم نواز کو کامیاب قرار دیا گیا ہے اسلام آباد کی قومی اسمبلی کی تین نشستوں میں سے دو پر مسلم لیگ ن کے امیدوار کامیاب قرار پائے ہیں جبکہ ایک نشست پر آزاد امیدوار نے کامیابی حاصل کی ہے،نوٹیفیکشن میں ہدایت جاری کی ہے کہ آزاد امیدوار تین دن کے اندر کسی بھی سیاسی جماعت میں شمولیت اختیار کریں واضح رہے کہ اسلام آباد کے قومی اسمبلی کے نتائج کے خلاف ناکام ہونے والے امیدواروں نے انتخابی عذرداریاں دائر کر رکھی ہیں