انتخابات التواء کے حوالے سے سینیٹ قرارداد ،الیکشن کمیشن نے جوابی مراسلہ لکھ دیا

انتخابات کے التواء کے حوالے سے قرارداد کا معاملہ، الیکشن کمیشن نے سینیٹ سیکرٹریٹ کو مراسلہ بھجوا دیا الیکشن کمیشن کی جانب سے لکھے گئے مراسلے کے متن میں کہا گیا ہے کہ سینیٹ کی قرارداد کا جائزہ لیا گیا ہے، الیکشن کمیشن نے صدر مملکت کی مشاورت سے 8 فروری کو پولنگ کی تاریخ کا اعلان کیا، اس وقت عام انتخابات 2024 کو ملتوی نہیں کیا جا سکتا۔ الیکشن کمیشن کے مطابق امن و امان کے لیے نگراں حکومتوں کو ہدایات جاری کی ہیں۔ الیکشن کمیشن کے مراسلے میں واضح کیا گیا ہے کہ ماضی میں بھی انتخابات موسم سرما میں ہوئے اور کوئی مشکل پیش نہیں آئی مراسلے میں واضح کیا گیا ہے کہ انتخابات کا التواء ممکن نہیں۔ کیونکہ اس حوالے سے انتظامات کئے جا چکے ہیں