صدر مملکت نے جسٹس مظاہر نقوی کا استعفیٰ منظور کرلیا

صدر مملکت ڈاکٹر عارف علوی نے جسٹس سید مظاہر علی اکبر نقوی کا استعفیٰ منظورکرلیا ترجمان ایوان صدر کی طرف سے جاری اعلامیے کے مطابق صدر مملکت نے جسٹس سید مظاہر علی اکبر نقوی کا استعفیٰ وزیرِ اعظم کی ایڈوائس پر آئین کے آرٹیکل 179 کے تحت منظور کیا ہے واضح رہے کہ جسٹس مظاہر نقوی نے گزشتہ روز صدر مملکت کو اپنا استعفی ارسال کیا تھا جس میں موقف اپنایا تھا کہ موجودہ حالات میں انکے لئے فرائض سر انجام دینا ممکن نہیں رہا اسلئے وہ اپنے عہدے سے مستعفیٰ ہورہے ہیں یاد رہے جسٹس مظاہر نقوی کے خلاف سپریم جوڈیشل کونسل کی کارروائی جاری ہے اور اسکے خلاف حکم امتناع کےلئے جسٹس مظاہر نقوی کی درخواست سپریم کورٹ نے مسترد کردی تھی جس کے بعد جسٹس مظاہر نقوی نے استعفی دیا