ذوالفقار علی بھٹو کی پھانسی کے حوالے سے صدارتی ریفرنس ،سماعت براہ راست نشر کرنے کےلئے درخواست دائر

ذولفقار بھٹو کی پھانسی کیخلاف صدارتی ریفرنس کا معاملہ ،بلاول بھٹو نے کیس کی براہ راست نشریات کیلئے سپریم کورٹ میں درخواست دائر کردی تفصیلات کے مطابق درخواست بلاول بھٹو کی جانب سے وکیل فاروق ایچ نائیک نے دائر کی درخواست میں استدعا کی گئی ہے کہ انصاف کے تقاضوں کو مدنظر رکھتے ہوئے ریفرنس کی سماعت براہ راست نشر کی جائے، درخواست گزار نے موقف اختیار کیا ہے کہ ذوالفقار علی بھٹو کا نواسہ ہونے کے ناطے انصاف کیلئے درخواست کی،ذوالفقار علی بھٹو نے ہمیشہ قانون کی بالادستی کیلئے کردار ادا کیا،ذوالفقار علی بھٹو کا قتل نظام انصاف پر دھبہ ہے،عوام کے سامنے حقائق رکھنے کیلئے کیس کی لائیو نشریات بہت اہم ہے، واضح رہے کہ چیف جسٹس قاضی فائز عیسی کی سربراہی میں نو رکنی لارجر بنچ کل ریفرنس پر سماعت کرے گا