امیر جماعت اسلامی سراج الحق کی قطر میں حماس کے سربراہ اسمعیل ہانیہ سے ملاقات

جماعت اسلامی کے امیر سراج الحق کی قطر میں حماس کے سربراہ اسماعیل ہنیہ سے ملاقات،19 نومبر کو لاہور غزہ مارچ سے خطاب کی دعوت بھی دی ترجمان جماعت اسلامی کے مطابق سراج الحق اور اسمعیل ہانیہ کی ملاقات میں حماس کی مرکزی قیادت بھی موجود تھی، اسماعیل ہنیہ نے غزہ کی موجودہ صورتحال پر امیر جماعت کو تفصیلی بریفنگ دی۔ ملاقات کے دوران سربراہ حماس اسماعیل ہانیہ نے کہا کہ جماعت اسلامی اور پاکستانی قوم کا فلسطین کی حمایت پر شکریہ ادا کرتے ہیں۔ ملاقات کے دوران امیر جماعت اسلامی سراج الحق نےاسماعیل ہنیہ سے گفتگو کرتے ہوئے کہا کہ پوری پاکستانی قوم اور امت مسلمہ آپ کے ساتھ کھڑی ہے۔ انہوں نے سربراہ حماس اسماعیل ہنیہ کو 19نومبر کو لاہور میں غزہ مارچ میں خطاب کی دعوت بھی دی۔ ترجمان کے مطابق سراج الحق 6 روزہ دورے کے بعد پاکستان پہنچ گئے ہیں، 6 روز میں سراج الحق نے ایران، ترکیہ اور قطر کا دورہ کیا۔دورے کے دوران ‏امیر جماعت اسلامی سراج الحق نے عالمی اسلامی تحریکوں کے رہنماؤں سے ملاقاتیں کیں۔