خیبر پختونخواہ،تین واقعات میں دودہشتگرد ہلاک اور دو زخمی،تین سیکیورٹی اہلکار شہید

خیبرپختونخوا میں تین مختلف واقعات میں خودکش بمبار سمیت 2 دہشت گرد ہلاک، 2 زخمی، 3 سیکیورٹی اہلکار شہید ہوگئے،، *آئی ایس پی آر کے مطابق* خیبرپختونخوا میں تین مختلف واقعات پیش آئے، پہلے واقعے میں ڈیرہ اسماعیل خان کے علاقے روڑی میں انٹیلی جنس کی بنیاد پر آپریشن کیا گیا، جس کے دوران ایک دہشت گرد مارا گیا، جب کہ دو دہشت گرد زخمی ہوئے، ہلاک دہشت گرد کی شناخت ٹی ٹی پی کے خودکش بمبار اسامہ کے نام سے ہوئی ہے، جو علاقے میں دہشت گردی کے بڑے واقعہ کی منصوبہ بندی کر رہا تھا، ضلع لکی مروت میں کی گئی دوسری کارروائی میں ایک دہشت گرد مارا گیا، فائرنگ کے شدید تبادلے کے دوران گوجرانوالہ کے 37 سالہ نائیک ظفر اقبال اور غذر کے 30 سالہ سپاہی حاجی جان بہادری سے لڑتے ہوئے شہید ہوگئے، ایک اور واقعہ میں ڈیرہ اسماعیل خان کے علاقے کلاچی میں ایک دیسی ساختہ بم پھٹ گیا، جس کے نتیجے میں میرپور خاص کے 39 سالہ حوالدار شاہد اقبال شہید ہوگئے، علاقے میں موجود ممکنہ دہشت گرد کو ختم کرنے کے لئے سینی ٹائزیشن آپریشنز کئے گئے، سیکیورٹی فورسز دہشت گردی کی لعنت کے خاتمے کے لیے پرعزم ہیں اور بہادر سپاہیوں کی یہ قربانیاں ہمارے عزم کو مزید مضبوط کرتی ہیں،،