علی وزیر،ایمان مزاری اور اسد عمر بھی گرفتار

سابق رکن قومی اسمبلی علی وزیر کو اسلام آبادپولیس نے گرفتار کرلیا۔ پولیس حکام کے مطابق سابق رکن قومی اسمبلی علی وزیر کو کار سرکار میں مداخلت کرنے پرگرفتارکیا گیا ہے تھانہ ترنول پولیس نے سابق وفاقی وزیر شیریں مزاری کی بیٹی ایمان مزاری کی گرفتاری کی بھی تصدیق کردی ہے،ایمان مزاری کو ان کے گھر سے گرفتار کیا گیا ہے۔ قبل ازیں شیریں مزاری نے سوشل میڈیا پر اپنی پوسٹ میں دعویٰ کیا تھا کہ ان کی بیٹی ایمان مزاری کو خواتین پولیس اور سادہ لباس میں ملبوس افراد گھر سے اغوا کر کے لے گئے ہیں۔ شیریں مزاری کا کہنا تھا کہ خواتین پولیس اہلکار اور سادہ لباس میں ملبوس افراد ایمان مزاری کا لیپ ٹاپ اور موبائل فون بھی لے گئے ہیں دوسری جانب پی ٹی آئی رہنماء اسد عمر کو بھی گرفتار کر لیا گیا ہے،ذرائع کے مطابق انکی گرفتاری سائفر تحقیقات کےلئے عمل میں لائی گئی ہے واضح رہے کہ گزشتہ روز پاکستان تحریک انصاف کے وائس چیئرمین شاہ محمود قریشی کو بھی انکی اسلام آباد کی رہائشگاہ سے گرفتار کر کے ایف آئی اے منتقل کیا گیا تھا انکی گرفتاری بھی سائفر تحقیقات کےلئے عمل میں لائی گئی