بجلی کی تقسیم کار کمپنیوں کےلئے نرخوں میں 1.81 روپے فی یونٹ اضافے کی منظوری |
|
| بدھ 09 اگست 2023ء | |
 |
|
نیپرا نے بجلی کی تقسیم کار کمپنیوں کے ماہانہ فیول چارجز ایڈجسٹمنٹ میں جون کے لئے ایک روپیہ اکیاسی پیسے فی یونٹ اضافے کا نوٹیفیکشن جاری کردیا،کے الیکٹرک کے لئے دو روپے اکتیس پیسے فی یونٹ کا اضافہ نیشنل الیکٹرک پاور ریگولیٹری اتھارٹی نے ڈسکوز کے جون کے ماہانہ فیول چارجز ایڈجسٹمنٹ کی مد میں 1 روپے 81 پیسے فی یونٹ اضافے کی منظوری دے دی۔ نیپرا کی طرف سے جاری نوٹیفیکشن کے مطابق سنٹرل پاوور پرچیزنگ ایجنسی نے 1 روپے 88 پیسے فی یونٹ اضافے کی درخواست کی تھی، نیپرا نے 26 جولائی 2023 کو ایف سی اے پر عوامی سماعت کی، جس کے بعد 1.81 روپے کا اضافہ کردیا گیا۔ اضافے کااطلاق صرف اگست کے ماہ کے بلوں پر ہوگا۔ تاہم لائف لائن، الیکٹرک وہیکل چارجنگ اسٹیشنز اور کے الیکٹرک صارفین پر نہیں ہوگا۔ دوسری جانب کے الیکٹرک کےلئے ماہانہ فیول ایڈجسٹمنٹ کی مد میں جون کےلئے دو روپے اکتیس پیسے فی یونٹ اضافے کی منظوری دیتے ہوئے اسکا نوٹیفیکشن بھی جاری کر دیا گیا ہے |
