سابق ڈپٹی سپیکر پنجاب اسمبلی کے اینٹی کرپشن میں مقدمہ درج |
|
منگل 25 جولائی 2023ء | |
ٹوررازم ہائی وے کے مجوزہ منصوبہ میں مبینہ ردوبدل پر اینٹی کرپشن راولپنڈی میں سابق ڈپٹی سپیکر پنجاب اسمبلی واثق قیوم،ایم پی اے میجر ریٹائرڈ لطاسب ستی کے خلاف مقدمہ درج کرلیا گیا،قومی خزانے کو نوے کروڑ سے زائد کا نقصان پہنچانے،سیاسی رہنماوں سمیت عزیز واقارب کو مستفید کرنے کا الزام عائد کیا گیا ہے۔۔۔۔۔۔ اینٹی کرپشن راولپنڈی میں درج مقدمہ میں ایکسئین پنجاب ہائی ویزسعد سلامہ،ایس ڈی او محمد اکرم کو بھی ملزم نامزد کیا گیا،مقدمہ کے متن کے مطابق سڑک کے مجوزہ روٹ کو تبدیل کرکے سیاسی رہنما کے گھر اور زمینوں کے پاس سے گزارا گیا،بوستان آباد اور بیور کے مقام پر بھی سڑک کا روٹ تبدیل کرکے سیاسی رہنماء اور عزیز واقارب کو مستفید کیا گیا،ٹوررازم ہائی وے کا مجوزہ روٹ تبدیل کرنے سے قومی خزانے کو کروڑوں روپے کا ںقصان ہوا،جبکہ مجوزہ روٹ تبدیل کرنے سے فاصلہ بھی بڑھ گیا،متن مقدمہ کے مطابق سڑک کا مجوزہ روٹ تبدیل کرنے سے مجموعی تخمینہ میں 90کروڑ سے زائد کے اخراجات بڑھے،مقدمہ نرم گاوں کہوٹہ کے رہائشی شکیل احمد کی مدعیت میں درج کیا گیا،جس پر قانونی کارروائی کا آغاز کر دیا گیا ہے۔۔۔۔۔۔۔۔ |