پاکستان کے بیرونی قرضوں میں پانچ ارب بیس کروڑ ڈالر کی کمی ہوئی،بلال اظہر کیانی

وزیراعظم کے کوآرڈینیٹر برائے معیشت وتوانائی بلال اظہر کیانی نے پاکستان تحریک انصاف کے رہنماٗ حماد اظہر کے بیان کے ردعمل میں اپنے ٹویٹ میں کہا کہ پاکستان کے بیرونی قرض میں 6.3 فیصد کی کمی ہوئی ہے ،جون 2022 میں پاکستان کا بیرونی قرض81.9 ارب ڈالر تھا جومئی2023 میں پاکستان کا بیرونی قرض کم ہوکر76.7 ارب ڈالر ہوگیا ہے بلال اظہر کیانی کا کہنا تھا کہ پی ٹی آئی کے چار سال کے تباہ کن دور میں حکومت کے بیرونی قرض میں 17.8 ارب ڈالر یعنی 28 فیصد کا اضافہ ہوا ،پاکستان مسلم لیگ(ن) کی حکومت کے اختتام پر جون 2018 میں بیرونی قرض 64.1 ارب ڈالر تھا جو پی ٹی آئی اپنے چار سال کے بعد جون 2022 میں 81.9 ارب ڈالر تک بڑھا گئی ان کا مزید کہنا تھا کہ پی ٹی آئی نے اپنے چار سال میں حکومت کے مجموعی قرض میں بھی 24289 ارب روپے یعنی 97 فیصد کا ریکارڈ اضافہ کیا ،جون 2018 میں مجموعی حکومتی قرض 24953 ارب روپے تھا جو پی ٹی آئی چار سال میں جون 2022 تک 49242 ارب روپے پر پہنچا کر گئی،چار سال میں پی ٹی آئی نے عوام کو صرف مہنگائی، بے روزگاری اور غربت دی اور پاکستان کے مجموعی حکومتی قرض کو دوگنا کر دیا