پاکستان اور بھارت کے درمیان قیدیوں کی فہرستوں کا تبادلہ

ترجمان دفتر خارجہ کے مطابق قونصلر رسائی سے متعلق دونوں ممالک کے درمیان دوہزار آٹھ کو طے پانے والے معاہدوں کے تحت دونوں ممالک ہر سال یکم جنوری اور یکم جولائی کو قیدیوں کے حوالے سے فہرستوں کا تبادلہ کرتے ہیں،بھارتی حکومت نے بھارتی جیلوں میں قید چار سو سترہ پاکستانیوں کی فہرست نئی دہلی میں۔ پاکستانی ہائی کمیشن کے حوالے کی ،بھارتی جیلوں میں قید پاکستانیوں میں تین سو تینتالیس عام شہری اور چوہتر ماہی گیر شامل ہیں دوسری جانب پاکستان نے پاکستانی جیلوں میں قید تین سو آٹھ بھارتی قیدیوں کی فہرست بھارتی ہائی کمیشن کے حوالے کی بھارتی قیدیوں میں دو سو چھیاسٹھ ماہی گیر اور بیالیس عام شہری شامل ہیں ترجمان دفتر خارجہ نے بھارت پر زور دیا ہے کہ جو قیدی اپنی سزا مکمل کر چکے ہیں اور انکی شہریت کی تصدیق ہوچکی ہے انہیں فوری طور پر رہا کیا جائے اور پاکستان بھجوایا جائے