بالی ووڈ کی امیر ترین اداکارہ کون ؟

میڈیا رپورٹس کے مطابق بھارت میں پہلے نمبر پر امیرترین اداکارہ کا اعزاز ایشوریہ رائے بچن کو حاصل ہے جن کے اثاثوں کی مالیت 824 کروڑ انڈین روپے ہے، شادی کے بعد اگرچہ وہ شوبز میں کم وقت دے رہی ہیں لیکن اسکے باوجود اثاثوں کے لحاظ سے پہلے نمبر پر ہیں،فہرست میں دوسرانمبر پریانکا چوپڑا کا ہے جنہوں نے امریکی گلوکار نک جوناس سے شادی کی ہے اور وہ بالی وڈ کے ساتھ ہالی وڈ انڈسٹری میں بھی اپنی کامیابی کے جھنڈے گاڑ رہی ہیں، ان کے اثاثوں کی مالیت 577 کروڑ روپے ہے،فہرست میں تیسرا نمبربالی وڈ میں راج کرنے والی دیپیکا پڈوکون کا ہے جن کی اداکاری کی صلاحیتیں پوری انڈسٹری میں مشہور ہیں، ان کے اثاثوں کی مالیت 330 کروڑ روپے ہے،ماضی کی سپرسٹار اداکارہ مادھوری ڈکشٹ فہرست میں چوتھے نمبر پر ہیں،ان کے اثاثوں کی مالیت 280 کروڑ روپے ہے،فہرست میں پانچویں نمبر پر کترینہ کیف موجود ہیں،کترینہ کیف کو ہندی سینما میں نہایت اہم مقام حاصل ہے اور وہ بالی وڈ کی متعدد بلاک بسٹر فلموں کا حصہ رہی ہیں ان کے اثاثوں کی ویلیو 164 کروڑ روپے ہے۔