قمر ریاض کا قتل اداروں پر ڈالنے کی کوشش ناکام،قاتل قانون کی گرفت میں آگئے

سیاسی جماعت کے سوشل میڈیا ونگز نے قمر ریاض کے قتل کا پتہ چلتے ہی دنیا بھر میں پراپیگنڈہ شروع کر دیا، اوورسیز پاکستانیوں میں ریاست مخالف اشتعال انگیزی کی مہم کو دوبارہ سرگرم کرنے کی ہدایات دی گئیں، پروپیگنڈا کے ذریعے شور مچایا گیا کہ ریاست نے سیاسی کارکن کو حراست میں قتل کر دیا، اسلام آباد پولیس نے اصل قاتل کا سراغ لگا کر پروپیگنڈا کرنے والوں کی ایک اور کوشش ناکام بنا دی، قمر ریاض کو خاتون سے ناجائز تعلقات کے شبہ میں خاتون کے شوہر نے قتل کیا، خاتون کے شوہر نے ساتھیوں الطاف، اللہ ڈوایا اور وسیم کے ساتھ مل کر قمر ریاض کو قتل کیا، چاروں قاتل رمنا پولیس کی تحویل میں ہیں، آئی جی اسلام آباد اکبر ناصر خان نے ملزمان کی گرفتاری کی تصدیق کر دی، اسلام آباد پولیس کے مطابق قتل کی اس واردات پر جھوٹی خبریں پھیلانے والوں کے خلاف قانونی کارروائی کا فیصلہ کرلیا گیا ہے، سوال پیدا ہوتا ہے کہ اصل ملزمان کی گرفتاری کے بعد سیاسی قتل کا رنگ دینے والے اب کہاں منہ چھپائیں گے؟