نویں جائزہ اجلاس کی کامیابی کےلئے پاکستان کو اضافی فنڈنگ درکار ہوگی، آئی ایم ایف

واشنگٹن میں آئی ایم ایف ترجمان نے پریس بریفنگ کے دوران کہا کہ اسٹاف لیول معاہدے سے قبل پاکستان کو دوست ممالک سے فنڈنگ کی یقین دہانی درکار ہے، پاکستان کے بیرونی شراکت داروں کی طرف سےطے شدہ فنانسنگ خوش آئند ہے اور دوست ممالک سے پاکستان کی فنڈنگ کا خیر مقدم کرتے ہیں ترجمان آئی ایم ایف کا کہنا تھا کہ 9 ویں جائزے کی کامیابی کے لیے پاکستان کو اضافی فنڈنگ کی ضرورت ہے،پاکستانی حکام کےساتھ قرض پروگرام کی بحالی کےلیےمسلسل کوششوں میں مصروف ہیں،پاکستان کی معیشت جمود کا شکار ہے اور پاکستان کو بیلنس آف پے منٹس کے لیے ادائیگیوں کی ضرورت ہے،اس حوالے سے پاکستان کو مسائل کا سامنا ہے ترجمان آئی ایم ایف کا کہنا تھا کہ پاکستان کی معیشت کو سیلاب سے سنگین نقصان پہنچا ہے، پاکستان کی معیشت سبسڈیز اور ٹیکس کی مزید چھوٹ کی متحمل نہیں ہوسکتی۔