پاکستان بار کونسل اور سپریم کورٹ بار کا تنازعہ ختم،معطلی کے احکامات واپس |
|
منگل 09 مئی 2023ء | |
جسٹس محمد علی مظہر کی سربراہی میں تین رکنی بینچ نے کیس کی سماعت کی،پاکستان بار کونسل اور سپریم کورٹ بار ایسوسی ایشن کے مابین معاملات خوش اسلوبی سے طے پا گئے،دونوں وکلا تنظیموں نے ایک دوسرے کے خلاف اقدامات واپس لینے کے حوالے سے عدالت کو آگاہ کیا،پاکستان بار کونسل نے سپریم کورٹ بار ایسوسی ایشن کے سیکرٹری اور ایڈیشنل سیکریٹری کو ڈی سیٹ کرنےکا فیصلہ واپس لے لیا،دونوں وکلا تنظیموں نے ایک دوسرے کے خلاف اقدامات واپس لینے کے حوالے سے عدالت کو آگاہ کیا جس پر عدالت نے معاملہ نمٹا دیا، کمرہ عدالت میں دونوں وکلاء تنظیموں کی جانب سے ایک دوسرے پر معاملات میں دخل اندازی کے الزامات پر جسٹس عائشہ ملک نے کہا جب معاملہ ختم ہو رہا ہے تو ایک دوسرے پر الزام تراشی بند کی جائے۔ |