توشہ خانہ کیس، عمران خان وارنٹ گرفتاری منسوخ اور ضمانت کی درخواست کی سماعت کل ہوگی

تفصیلات کےمطابق عمران خان کے وکلا نے توشہ خانہ کیس میں گرفتاری روکنے اور مقامی عدالت کے وارنٹ کی منسوخی کیلیے اسلام آباد ہائی کورٹ میں منگل کو درخواست دائر کی۔ اور فوری سماعت کہ استدعا بھی کی درخواست دائر ہونے کے بعد چیف جسٹس نے عمران خان کے وکلا خواجہ حارث، بیرسٹر گوہر اور علی بخاری کو چیمبر میں طلب کیا۔ چیف جسٹس نے وارنٹ گرفتاری کی منسوخی کی درخواست پر فوری سماعت سے معذرت کرتے ہوئے اسے کل کیلیے مقرر کرلیا۔