وفاقی حکومت نے رمضان پیکج تیار کر لیا،وفاقی کابینہ منظوری دے گی

وزارت صنعت وپیداوار کے ذرائع کے مطابق رمضان کے لیے بیس اشیائے ضروریہ پر وفاقی حکومت کی جانب سے سبسڈی فراہم کی جائے گی ، رمضان پیکج کے تحت سبسڈی بےنظیر انکم سپورٹ پروگرام میں رجسٹرڈ افراد کے لیے ہوگی۔ رمضان کے لیے اشیائے ضروریہ پر سبسڈی یوٹیلٹی اسٹورز پر فراہم کی جائے گی، پیکج کے تحت آٹا، گھی، دالوں، چینی اور دیگر اشیائے ضروریہ پر رمضان پیکج کے تحت سبسڈی دی جائے گی۔ واضح رہے کہ مہنگائی کے باعث عوام بالخصوص نچلے طبقے کو ریلیف فراہم کرنے کے لیے حکومت نے سبسڈی کا فیصلہ کیا ہے