ڈرگ ریگولیٹری اتھارٹی نے پیرا سیٹ انجکشن غیر معیاری قرار دے دیا

ڈریپ کی طرف سے جاری الرٹ میں متعلقہ کمپنی کو پیراسٹ انجیکشن فوری طور پر مارکیٹ سے اٹھانے کی ہدایت دی گئی ہے جبکہ ہسپتالوں اور کلینکس میں اسکے استعمال کو روکنے کی ہدایت بھی دی گئی ہے ڈریپ نے ہدایت کی ہے کہ فارمیسیز پر موجود متعلقہ انجیکشن کو واپس کمپنی کے حوالے کیا جائے ،پبلک متعلقہ انجیکشن کا استعمال فوری طور پر بند کر دیں ، اگر انجیکشن سے کسی بھی طرح کا مسئلہ ہو رہا ہے تو فوری ڈاکٹر سے رجوع کریں ، ڈریپ کے مطابق پیرا سٹ، 100 ایم ایل انجیکشن ، بیج نمبر CJ170 غیر معیاری ہے ،انجیکشن میں کالے رنگ کے ذرات انسانی آنکھ سے دیکھے جا سکتے ہیں ،بیس نومبر دوہزار بائیس کو تیار ہونے والے انجیکشن کی مدت انیس نومبر دوہزار چوبیس کو ختم ہو رہی ہے ،