بڑھتا وزن جسم میں انسولین کا توازن بگڑنے کا سبب ہو سکتا ہے،تحقیق |
|
بدھ 04 جنوری 2023ء | |
سوئٹرزلینڈ کی باسل یونیورسٹی کی تحقیق سامنے آیا ہے کہ جسم میں انسولین کی کمی بھی موٹاپے کا باعث بن سکتی ہے،تحقیق کے مطابق اگر انسولین بننے کا عمل متاثر ہو، جیسا ذیابیطس ٹائپ 2 کے ابتدائی مراحل میں ہوتا ہے، تو جسمانی وزن میں اضافے کا امکان بھی بڑھ سکتا ہے۔ تحقیق کے دوران چوہوں پر کیے جانے والے تجربات سے معلوم ہوا کہ لبلبے کے خلیات میں پی سی 1/3 کو ٹرن آف کرنے پر یہ جانور ضرورت سے زیادہ کھانے لگے جس کے باعث وہ بہت جلد موٹاپے اور ذیابیطس کے شکار ہوگئے،پی سی ایسا خامرہ ہے جو انسولین کے حوالے سے سورتحال کو کنٹرول کرنے میں مددگار ہے سائنسدانوں کے مطابق ہائی بلڈ شوگر کے شکار مریضوں کے لبلبے میں پی سی 1/3 کی سطح گھٹ جاتی ہے،انسولین کی مقدار میں کمی سے ذیابیطس کا خطرہ ہی لاحق نہیں ہوتا بلکہ جسمانی وزن میں بھی اضافہ ہوسکتا ہے۔ |