پی کے ایل آئی میں روبوٹ کی مدد سے کامیاب سرجری |
|
پیر 17 اپریل 2023ء | |
ترجمان پی کے ایک آئی کے مطابق انسٹیوٹ میں پہلی بار روبوٹ کی مدد سے کامیاب سرجری کی گئی ہے جس کے بعد پی کے ایل آئی پنجاب نے پبلک ہیلتھ سیکٹر میں روبوٹک سرجری کرنے والے پہلے ہسپتال کا اعزاز حاصل کر لیا ہے ترجمان پی کے ایل آئی کا کہنا تھا کہ روبوٹ کی مدد سے سرجری انقلابی پیشرفت اورطبی دنیا میں گیم چینجر ہے، ترجمان کا کہنا تھا کہ روبوٹک سرجری کے چند گھنٹوں بعد مریضہ گھر جانے کے قابل تھی، چیئرمین بورڈ آف گورنرز پروفیسر سعید اختر نے روبوٹ کے ذریعے کامیاب سرجری پر پوری ٹیم کو مبارکباد دی ہے ترجمان کے مطابق روبوٹک سرجنز پروفیسر ڈاکٹر محمد ریحان اور پروفیسر ڈاکٹر ریاض حسین نے سرجری کی، دبئی، کراچی اور لاہور سے سی ایم آر سرجیکل ٹیموں نے سرجنز کو سرجری میں معاونت فراہم کی |