پاک سوزوکی موٹرز نے پلانٹ کی عارضی بندش میں چار دن کی توسیع کردی

تفصیلات کے مطابق پاک سوزوکی موٹرز نے چھبیس دسمبر کو عارضی طور پر پلانٹ بند کیا تھا جس میں مسلسل توسیع کا سلسلہ جاری ہے اور ذرائع کے مطابق اسکی ایک بڑی وجہ ایل سیز نہ کھولنے اور آلات کی درآمد میں مشکلات کا سامنا ہے کیونکہ پاکستان کی آٹو انڈسٹری درآمدی آلات پر زیادہ انحصار کرتی ہے دوسری طرف پاکستان آٹو موٹیو مینوفیکچررز ایسوسی ایشن کے جاری کردہ اعداد و شمار سے پتہ چلتا ہے کہ گزشتہ سال دوہزار بائیس میں پاکستان میں گاڑیوں کی سالانہ فروخت کی بنیاد پر اڑتیس فیصد کم ہو کر سولہ ہزار آٹھ سو گیارہ یونٹس رہ گئی۔ ماہرین نے مالی سال رواں سال دوہزار تئیس میں کاروں کی فروخت میں چالیس سے پچاس فیصد کی کمی کا خدشہ ظاہر کیا ہے۔