اوگرا نے گیس کے نرخوں میں اضافے کی منظوری دے دی،سمری وفاقی حکومت کو ارسال

تفصیلات کے مطابق سوئی ناردرن گیس کمپنی اور سوئی سدرن گیس کمپنی کی درخواستوں پر اوگرا نے سوئی ناردرن کو موجودہ مالی سال کے لیے گیس کی اوسط مقررہ قیمت میں چار سو چھ روپے اڑسٹھ پیسے فی ایم ایم بی ٹی یو اور سوئی سدرن گیس کمپنی کو چار سو ننانوے روپے اٹھائیس پیسے فی ایم ایم بی ٹی یو اضافے کی منظوری دے دی،نئی قیمتوں کا اطلاق وفاقی حکومت کی منظوری کے بعد یکم جولائی دوہزار بائیس سے ہوگا اگر وفاقی حکومت آئندہ چالیس دن میں ان نرخوں کی منظوری نہیں دیتی تو اوگرا نے گیس کے جن نرخوں کا تعین کیا ہے انہی کا نوٹی فکیشن جاری کردیا جائے گا، دوسری صورت میں حکومت کو عوام کو ریلیف فراہم کرنےکےلئے سبسڈی دینا ہوگی،واضح رہے کہ سوئی ناردرن نے بارہ سو چورانوے روپے اور سوئی سدرن نے چھ سو سڑسٹھ روپے چوالیس پیسے فی ایم ایم بی ٹی یو اضافے کی درخواست کی تھی