روس پاکستان کو سستا خام تیل فراہم کرے گا،دورہ کامیاب رہا،وزیر مملکت مصدق ملک |
|
پیر 05 دسمبر 2022ء | |
روس پاکستان کو سستے نرخوں پر خام تیل فراہم کرے گا،وزیر مملکت پٹرولیم مصدق ملک نے تصدیق کر دی،بولے دورہ توقع سے زیادہ کامیاب رہا اسلام آباد میں نیوز کانفرنس سے خطاب کے دوران وزیر مملکت مصدق ملک کا کہنا تھا کہ روس ہمیں رعایتی قیمت پر خام تیل فراہم کرے گا، روس پاکستان کو پیٹرول اور ڈیزل بھی سستی قیمت پر دے گا۔ وزیر مملکت کا مزید کہنا تھا گزشتہ برس دنیا گرین انرجی کی طرف گئی، دنیا نے ایسے میں ایل این جی کا بڑا حصہ خرید لیا، روس کے پاس ابھی ایل این جی موجود نہیں ہے لیکن روس میں نجی کمپنیوں سے ایل این جی کیلیے بات چیت شروع ہوگئی ہے مصدق ملک نے بتایا کہ روس سے پائپ لائن سے متعلق بھی گفتگو کی گئی، روس کی حکومت ایل این جی کے نئے پلانٹ لگا رہی ہےروس کے نئے پلانٹس سے ایل این جی کے نئے معاہدے کریں گے۔ ان کا کہنا تھا وزیراعظم کا حکم ہے کہ ملک کو زراعت میں خودکفیل کرنے کےلئے فوری اقدامات کئے جائیں، کارخانوں کی چمنیوں سے ہر وقت دھواں نکلنا چاہیے اس سے روزگار ملتا ہے، ملک کی معیشت کو 7 فیصد تک آگے بڑھانا ہو گا۔ |