بجلی مہنگی ہونے کی درخواست مسترد،نیپرا نے نرخوں میں بتیس پیسے فی یونٹ کمی کی منظوری دے دی |
|
منگل 29 نومبر 2022ء | |
نیپرا نے سی پی پی اے کی بجلی مہنگی کرنے کی درخواست مسترد اکتوبر کی ماہانہ فیول ایڈجسٹمنٹ کی مد میں بجلی 32 پیسے فی یونٹ سستی کرنے کی منظوری دے دی صارفین کوآئندہ ماہ تین ارب تیس کروڑ روپے کا ریلیف ملے گا۔ سی پی پی اے کی جانب سے ماہانہ فیول ایڈجسٹمںٹ کی مد میں دائردرخِواست پر نیپرا میں سماعت ہوئی، دوران سماعت نیپرا حکام نے بتایاکہ اکتوبرمیں میرٹ آرڈر کی خلاف ورزی سے 30 کروڑ 36 لاکھ روپے کا اضافی بوجھ پڑا صرف ایل این جی کی قلت سے 25 کروڑ 98 لاکھ روپے کا بوجھ پڑا، نیپرا حکام نے بتایاکہ تین سال میں طلب کے مقابلے میں کم ایل این جی فراہم کرنے سے صارفین پر چالیس ارب روپے کا اضافی بوجھ پڑا، چیئرمین نیپرا نے کہاکہ عالمی سطح پر ایندھن کی قیمتیں زیادہ ہیں اور خریدنے کی سکت بھی نہیں ہے اس وقت ملک میں ڈالر ہی نہیں اتھارٹی نے سماعت کے بعد بجلی بتیس پیسے فی یونٹ سستی کرنے کی مںظوری دے دی تاہم لائف لائن اور کے الیکڑک صارفین پر اسکا اطلاق نہِیں ہوگا نیپرا اتھارٹی بعد میں تفصیلی فیصلہ جاری کرے گی |