چاول کی برآمد میں اضافے کے حوالے سے موجودہ حکومت کو بڑی کامیابی مل گئی

وزارت نیشنل فوڈ سیکیورٹی کے حکام کے مطابق روس کو چاول کی بر آمد کے حوالے سے ایک بڑی پیش رفت ہوئی ہے اور اب پاکستان کی چار رائس ملوں کی بجائے انیس ملیں روس کو چاول برآمد کر سکیں گے،اس حوالے سے روس کی فیڈرل سروس برائے ویٹرنری اینڈ فائٹوسینٹری سرویلنس نے مزید 15 پاکستانی رائس ملوں کے ٹیکنیکل آڈٹ کے بعد، اب روس کو چاول برآمد کرنے کی اجازت دی دی ہے واضح رہے کہ روس نے چند سال پہلے چاول میں کیڑے مار ادویات اور کیڑوں کی وجہ سے پاکستانی چاول کی برآمدات پر پابندی لگا دی تھی،جبکہ ، 2021 میں کوالٹی کے معیار پر پورا اترنے والی صرف 4 رائس ملوں کو پاکستان سے روس کو چاول برآمد کرنے کی اجازت تھی چاول کے معیار میں بہتر ی سے اب پاکستان ایشیا، یورپ، امریکہ اور آسٹریلیا کی منڈیوں میں چاول کی بر آمدات کے حوالہ اپنی جگہ بنا سکتاہے