کراچی ٹیسٹ،پاکستان نے پہلی اننگز میں تین وکٹوں کے نقصان پر ایک سو چون رنز بنالئے |
|
منگل 03 جنوری 2023ء | |
پاکستان اور نیوزی لینڈ کے درمیان کھیلے جانے والے دوسرے ٹیسٹ میچ کے دوسرے روز نیوزی لینڈ کی ٹیم پہلی اننگز میں 449 رنز بناکر آل آؤٹ ہوگئی،جواب میں پاکستان ٹیم نے دوسرے دن کے اختتام تک 3 وکٹوں کے نقصان پر 154 رنز بنالئے۔ پاکستان کی جانب سے اننگز کا آغاز عبداللہ شفیق اور امام الحق نے کیا۔ پاکستان کی پہلی وکٹ 27 کے مجموعی اسکور پر گری جب عبداللہ شفیق 19 رنز بناکر آؤٹ ہوئے،اس کے بعد شان مسعود 20 رنز اور کپتان بابر اعظم 24 رنز بناکر آؤٹ ہوگئے، دوسرے دن کا کھیل ختم ہوا تو امام الحق 74 اور سعود شکیل 13 رنز بناکر ناٹ آؤٹ تھے۔ قبل ازیں نیوزی لینڈ نے دوسرے روز کا آغاز 309 رنز 6 وکٹوں پر کیا لیکن ایش سوڈھی شروعات میں ہی 11 رنز پر نسیم شاہ کی گیند پر بولڈ ہوگئے۔ ٹام بلنڈل 51 رنز بنا کر آؤٹ ہوئے۔ کپتان ٹم ساؤتھی 10 رنز بنا کر آؤٹ ہوئے، میٹ ہینری اور اعجاز پٹیل نے دسویں وکٹ پر 100 رنز کی پارٹنر شپ مکمل کی اعجاز پٹیل کو ابرار احمد نے آئوٹ کر کے نیوزی لینڈ کی پہلی اننگز کا خاتمہ کیا |