ٹی ٹوئینٹی کرکٹ ورلڈکپ ،پاکستانی ٹیم کل امریکی سفارتخانے جائیگی |
|
| اتوار 28 اپریل 2024ء | |
 |
|
امریکہ میں ٹی ٹوئینٹی ورلڈ کپ ، پاکستان اسکواڈ کے ممکنہ کھلاڑی کل اسلام آباد امریکی سفارتخانے جائیں گے۔ پی سی بی ذرائع کے مطابق قومی کھلاڑی اور ٹیم منیجمنٹ کے آفیشلز کل امریکی سفارتخانہ پہنچ کر امریکی ویزے کے لیے اپلائی کریں گے۔جبکہ کھلاڑی امریکی سفارتخانے میں کرکٹ کو فروغ دینے کی سرگرمی میں بھی حصہ لیں گے۔ ذرائع کے مطابق امریکی سفارتخانے کو پاکستان کرکٹ بورڈ نے35 کھلاڑیوں اور آفیشلز پر مبنی لسٹ دی ہے جبکہ ٹی ٹوئنٹی کے ممکنہ کھلاڑی برطانوی ویزے کے لیے کاکول کیمپ کے فوراً بعد اپلائی کرچکے ہیں۔ واضح رہے کہ پاکستان ٹی ٹوئنٹی اسکواڈ دورہ آئرلینڈ اور انگلینڈ کے بعد امریکا روانہ ہوگا |
