ورلڈ سکس ریڈ بال سنوکر چیمپئن شپ،پاکستان کے احسن رمضان نے چاندی کا تمغہ جیت لیا |
|
جمعرات 16 نومبر 2023ء | |
پاکستان کے احسن رمضان ورلڈ سکس ریڈ بال اسنوکر چیمپئن شپ میں چاندی کا تمغہ جیت گئے میڈیا رپورٹس کے مطابق احسن رمضان کو ورلڈ سکس ریڈ بال اسنوکر چیمپئن شپ کے فائنل میں قبرص کے مائیکل جارجیو نے شکست دی۔ ایونٹ کے فائنل میں احسن رمضان کا مقابلہ قبرص کے مائیکل جارجیو سے تھا، بیسٹ آف الیون فریم پر مشتمل یہ میچ دس فریم تک گیا جس میں مائیکل جارجیو نے چھ ،چار کے اسکور سے فائنل اپنے نام کیا۔ قبل ازیں سیمی فائنل میں احسن رمضان نےقطر کے علی ایلوبیدلی کو بیسٹ آف الیون فریم کے میچ میں چھ ، چار سے ہرایا تھا جبکہ سیمی فائنل میں پہنچنے والے پاکستان کے دوسرے کھلاڑی محمد نسیم قبرص کے مائیکل جارجیو سے ہار گئے تھے۔ |