شندور پولو فیسٹیول ،چترال کی ٹیم فاتح،فائنل میں گلگت کو شکست

شندور پولو فیسٹیول چترال نے فتح اپنے نام کرلی,فائنل میں گلگت کو پانچ کے مقابلے میں سات گول سے شکست تفصیلات کے مطابق تین روزہ تاریخی شندور پولو فیسٹیول اختتام پذیر ہوگیا،پولو فیسٹیول کے فائنل میں چترال نے گلگت بلتستان کو 5 گول کے مقابلے 7 گول سے شکست دے دی۔ کورکمانڈر پشاورلیفٹیننٹ جنرل حسن اظہر حیات فائنل میچ میں مہمان خصوصی تھے۔ترجمان خیبر پختونخواہ ٹورازم اتھارٹی محمد سعد کے مطابق فیسٹیول میں ملکی و غیرملکی سیاحوں نے کثیر تعداد میں شرکت کی۔ تین روزہ فیسٹیول کے اختتام پرکیلاشی رقص سمیت مختلف بینڈز نے فن کا مظاہرہ کیا۔ جبکہ میچ کے دوران پیراگلائیڈنگ کا بھی شاندار مظاہرہ کیا گیامختلف اسکولوں کے طلبا نے خصوصی ملی نغمے بھی پیش کیے۔ واضح رہے کہ شندور پولو گراؤنڈ سطح سمندر سے 12 ہزار فٹ سے زیادہ بلندی پر واقع ہے، اس گراؤنڈ میں ہر سال موسم گرما میں چترال اور گلگت کی پولو کی ٹیمیں حصہ لیتی ہیں۔ اور بڑی تعداد میں ملک کے مختلف حصوں اور بیرون ممالک سے سیاح اس فیسٹیول میں شرکت کرتے ہیں