افغانستان کے ساتھ کرکٹ سیریز،قومی سکواڈ کا اعلان،شاداب کپتان |
|
پیر 13 مارچ 2023ء | |
لاہور میں نیوز کانفرنس سے خطاب کرتے ہوئے پی سی بی مینجمنٹ کمیٹی کے چیئرمین نجم سیٹھی کا کہنا تھا کہ تمام سینئر کھلاڑیوں کو اعتماد میں لے کر فیصلے کیے گئےہیں، ہمیں اب ورلڈکپ کا سوچنا ہے، ابھی سے اسسمنٹ کریں گے تو ابھی سے یہ کام کرنا پڑے گا۔ نجم سیٹھی کا کہنا تھا کہ سوچا ہے اب تمام نوجوان کھلاڑیوں کو موقع دیں گے اور سینئرکھلاڑیوں کو آرام دیں گے، پی سی بی نےتمام ٹاپ کھلاڑیوں کو اعتماد میں لیا ہے، بابراعظم، رضوان، شاہین، حارث رؤف اور فخر کو افغانستان کے خلاف سیریز میں آرام دیں گے نجم سیٹھی کا کہنا تھا کہ بابر ہمارا بہترین کپتان ہے، وہ ٹیم کےکپتان برقرار ہیں، سینئر کھلاڑیوں کو کوئی خطرہ نہیں ان کی جگہ پکی ہے، نئے کھلاڑیوں کو جانچ رہے ہیں چیئرمین پی سی بی نے اعلان کیا ہےکہ پاک افغان ٹی ٹوئنٹی سیریز کے لیے شاداب خان کو کپتان بنانے کا فیصلہ کیا ہے۔ افغانستان سے سیریز کیلئے قومی سکواڈ میں شاداب خان (کپتان)،اعظم خان،عبداللہ شفیق،فہیم اشرف،افتخار احمد،محمد حارث،محمد نواز،وسیم جونیئر،نسیم شاہ،شان مسعود،عماد وسیم،احسان اللہ،صائم ایوب ،طیب طاہر،زمان خان شامل ہیں جبکہ ریزرو کھلاڑیوں میں ابرار احمد، حسیب اللہ اور اسامہ میر شامل ہیں |