قرآن پاک کی بے حرمتی کے واقعات ناقابل قبول،یورپی ممالک سدباب کےلئے اقدامات کریں،سعودی عرب |
|
بدھ 01 فروری 2023ء | |
سعودی میڈیا کے مطابق کابینہ کے اجلاس میں ارکان نے یورپ کے قرآن پاک کی بے حرمتی کے واقعات پر شدید ردعمل کا اظہار کرتے ہوئے واضح کیا کہ ایسا مکرہ عمل ناقابل قبول ہے میڈیا رپورٹس کے مطابق اعلامیے میں کہا گیا ہے کہ یورپی ممالک میں ان واقعات سے دنیا بھر میں مسلمانوں کے جذبات کو مجروح کیا گیا ہے،یورپی ممالک ان واقعات کی روک تھام کے ٹھوس اقدامات کریں اعلامیے میں کہا گیا ہے کہ قرآن کی بے حرمتی کے واقعات کے باعث پوری دنیا کے مسلمانوں کی دل آزاری ہوئی اور تمام مسلمانوں میں اس حوالے سے شدید غم و غصہ پایا جاتا ہے یاد رہے سویڈن میں انتہا پسند جماعت کے رہنماٗ نے دو بار قرآن پاک کی بے حرمتی کرنے کی جسارت کی،جس کے خلاف پوری امت مسلمہ نے شدید ردعمل کا اظہار کیا ہے اور مسلم ممالک نے ان واقعات کی مذمت کرتے ہوئے متعلقہ حکومتوں سے مطالبہ کیا ہے کہ ان واقعات کی روک تھام کےلئے اقدامات کریں |