امریکہ کے قرضے تاریخ کی بلند ترین سطح پر،ڈیفالٹ کے بادل منڈلانے لگے |
|
هفته 21 جنوری 2023ء | |
غیر ملکی خبر رساں ایجنسی کے مطابق ریپبلکن کی اکثریت پر مشتمل ایوان نمائندگان اور امریکی صدر جو بائیڈن کے درمیان جاری محاذ آرائی نے امریکہ کی معاشی مشکلات میں مزید اضافہ کردیا ہے اور امریکہ کے مجموعی قرضوں کا حجم اکتیس اعشاریہ چار کھرب سے تجاوز کر گیا ہے،قرضوں کے حجم میں غیر معمولی اضافے کے باعث امریکہ پر ڈیفالٹ کے بادل منڈلا رہے ہیں امریکی حکام کے مطابق معاشی صورتحال میں بہتری لانے کےلئے غیر معمولی اقدامات شروع کر دیئے گئے ہیں ،خصوصی کیش مینجمنٹ کے ذریعے ڈیفالٹ کے خطرے کو پانچ جون تک روکا جاسکتاہے۔ حکام کے مطابق جون کی تاریخ بھی غیر یقینی صورتحال سے مشروط ہے کیونکہ مستقبل میں ادائیگیوں اور حکومتی محصولات کے حوالے سے بھی چیلنجز کا سامنا رہے گا واضح رہے کہ آئی ایم ایف پہلے ہی عالمی معیشت کے حوالے سے خدشات کا اظہار کر چکا ہے جس میں کہا گیا ہے کہ کئی ممالک کساد بازاری کے باعث مشکلات کا شکار رہیں گے اور دو ہزار تئیس معاشی مشکلات کے حوالے سے سخت ترین سال ہوگا |