ایران کا اسرائیلی خفیہ ایجنسی کےلئے کام کرنے والے دو جاسوس گرفتار کرنے کا دعویٰ

ایرانی خبر رساں ادارے کے مطابق گزشتہ چند ہفتوں کے دوران اسارئیلی خفیہ ادارے کےلئے کام کرنے والے چھ افراد کو گرفتار کیا گیا ہے دسمبر میں ایران کی جانب سے دعویٰ کیا گیا تھا کہ اس کے ادارے نے ایک آپریشن کے دوران موساد کے چار ایجنٹوں کو گرفتار کیا ہے۔جبکہ دومزید کو جنوری میں گرفتار کرنے کا دعویٰ کیا گیا ہے خبر رساں ادارے کے مطابق جن چھ ملزمان کو اب تک آپریشنز کے دوران گرفتار کیا گیا ہے وہ تہران، اصفہان، یزد، مغربی آذربائیجان اور گلستان کے مختلف علاقوں میں مقیم تھے۔ ایران کے مطابق اعداد و شمار کے لحاظ سے اب تک اس حوالے سے کل 23 آپریشنل اور سہولت کاروں کو گرفتار کیا گیا ہے جن میں سے 13 ملک کے اندر ہی سے گرفتار ہو ئے ہیں۔