شہزادہ ہیری کی سوانح حیات فروخت کےلئے پیش کردی گئی |
|
منگل 10 جنوری 2023ء | |
تفصیلات کے مطابق برطانیہ میں شہزادہ ہیری کی سوانح حیات فروخت کےلئے پیش کر دی گئی اور خریداری کےلئے لوگوں کی لمبی قطاریں بک سٹالز کے باہر نظر آئیں،شہزادہ ہیری کی سوانح حیات سولہ زبانوں میں شائع کی جائے گی اور اشاعت سے قبل ہی اس کتاب کو بیسٹ آن لائن سیلر قرار دیا جا چکا ہے متنازع کتاب کے بعض حصے اشاعت سے قبل لیک ہونے اور انکشافات سامنے آنے کے بعد برطانیہ میں اس کتاب کے بارے میں اشتیاق کافی بڑھ گیا ہے چار سو دس صفحات پر مشتمل شہزادہ ہیری کی کتاب میں شاہی خاندان کے اندر اختلافات کے حوالے سے انکشافات سامنے آئے ہین اور اس کتا میں شہزادہ ہیری نے دعویٰ کیا ہے کہ شہزادہ ولیم نے دوہزار انیس میں انہین فرش پر گرایا تھا کتاب میں شہزادہ ہیری نے اپنی والدہ شہزادی ڈٖیانا کا ذکر بھی کیا ہے اور کہا ہے کہ انکے انتقال پر وہ سمجھے تھے کہ انہوں نے مشکلات سے تنگ آکر موت کا ڈرامہ کیا ہے،جبکہ ملکہ الزبتھ کے انتقال کی خبر انہیں خاندان سے نہیں بی بی سی کی ویب سائٹ سے ملی تھی شہزادہ ہیری کی متنازع کتاب کے حوالے سے ابھی شاہی خاندان کاکوئی موقف سامنے نہیں آیا ہے |